Liqeni Vau Dejës është i pari liqen artificial që është ndërtuar në lumin Drin në vitin 1971 dhe ka një siperfaqe prej 24.7km2. Liqeni i Vaut të Dejës është një resurs turistik shumë pak i njohur por vitet e fundit është kthyer në një destinacion mjaft të preferuar për ata që adhurojnë natyrën dhe duan të eksplorojnë bukuritë e saj të pafundme.
Sipërfaqja e liqenit e rrethuar nga kurora e gjelbërt e pishave, teksa kalon mes zonave malore të ofron një peizazh mjaft tërheqës dhe relaksues. Në liqenin e Vau Dejësit mund të bësh një alternim të mirë, mes banjove në ujërat e embla dhe eksplorimit të natyrës. Në të rriten lloje peshqish si trofta, ballëgjeri, krapi, etj.
